Датум: 09. ноември
Почеток: 14 часот
Учество : 250
Пријавување: стани дел од креирањето на одржливата иднина

Платформата Yes for Less во соработка со Public Room отвора повик за учество во работилницата „Еко населени места за дигитални номади во Македонија“.

Работилницата има за цел да ги идентификува најпогодните локации во Македонија за креирање еколошки центри за дигитални номади (домашни и странски). Целта е директно поттикнување на локалниот развој, оживување на руралните средини и промоција на македонските природни и културни убавини.

Ги повикуваме сите: поединци, архитекти, урбанисти, дизајнери, студенти, етнолози, истражувачи, претприемачи, ентузијасти и групи кои имаат идеи за одржлив туризам, културно оживување и рурална регенерација.

Работилницата ќе ја води Сара Коцевска – архитект која живее и работи во Париз и e ко-основачка на Yes for Less – здружение за еколошка едукација со платформа за одржлив живот и мрежа на 50+ зелени бизниси.