SKOPJE DESIGN WEEK 2025
“A CIRCULAR MINDSET”
10. – 16.ноември, 2025
РОК ЗА ПРИЈАВУВАЊЕ ДО 20. октомври, 2025
КОЈ МОЖЕ ДА УЧЕСТВУВА?
Компании, дизајнери, дизајн студија, неформални групи и поединци кои имаат иновативни
производи или услуги и сакаат истите да ги претстават пред пошироката јавност со цел да
иницираат продажба или ја зголемат истата.
ШТО МОЖЕ ДА СЕ ИЗЛОЖУВА?
Преферираме публиката да ги види следните типови производи:
- нови парчиња на мебел,
- нови , иновативни расветни тела
- нови, свежи елементи за ентериер,
- иновативни и несекојдневни предмети и помагала,
- функционални и допадливи аксесоари за домот,
- производи и инсталации од рециклирани материјали,
- нова моднa и спортскa облека и аксесоари,
- креативно осмислени алати, уреди и опремa,
- сосема нова амбалажа на производ која поттикнува продажба,
- Друго (изненади не и нас и публиката).
Организаторот ќе даде приoритет на производите и/или прототипи чија цел е подобрување на
начинот на живот и работа, користат локално достапни материјали и технологии, имаат
избалансирани трошоци за производство, ги следат критериумите за еколошки производни
процеси, самите производи или нивните амбалажи се рециклираат и се економични.
КОИ СЕ ПРИДОБИВКИ ОД УЧЕСТВОТО?
Учесниците на Skopje Design Week добиваат,
- Изложба во PUBLIC ROOM во период 10. – 16.ноември, 2025 каде влезот за сите посетители е бесплатен.
- Фотографии и опис на производите на официјалната веб страна на фестивалот.
- Промоција во дигитални медиуми со банери, текст и фотографии од дизајн парчиња.
- Континуирано информирање во јавноста преку испраќање на дописи до медиуми (20 медиумски партнери и покровители).
- Социјални мрежи: facebook, Instagram, LinkedIn, Tik tok.
- Испраќање на неделен билтен до цела дата база на организаторот, 80.000 директни контакти во период 20. октомври – 16.ноември, 2025.
- Слободен влез за сите работилници и презентации за време на фестивалот.
ПАРТИЦИПАЦИЈА ЗА УЧЕСТВО
За сите одбрани учесници изложбениот простор е бесплатен!
ШТО Е ПОТРЕБНО ДА СЕ ИСПРАТИ И КАКО?
Секој кандидат задолжително треба да испрати:
- Формулар за пријавување на SDW
ПРЕВЗЕМИ ФOРМУЛАР ЗА ЕКСПО ЗОНА 2025 - Фотографии и технички цртежи од производите или прототиповите кои се предлагаатаза изложба.
- Портфолио на компанијата / дизајнерот / студиото на англиски јазик.
Сите фајлови треба да се испратат преку www.wetransfer.com на info@publicroom.org, со наслов „ПРИЈАВА за EXPO – SDW 2025”. Организаторот ќе испрати потврда за добиените материјали.
Доколку не добиете потврда во рок од 24ч. потребно е да ги испратите повторно или да нѐ контактирате на info@publicroom.org. Организаторот ги советува сите заинтересирани кандидати да не ги чекаат крајните рокови за аплицирање.
РОК ЗА ПРИЈАВУВАЊЕ ДО 20. октомври, 2025
КАДЕ?
Експо зоната ќе биде сместена во PUBLIC ROOM со работно време од 9:00 до 24:00ч.
КАДЕ МОЖЕ ДА СЕ ДОБИЈАТ ДОПОЛНИТЕЛНИ ИНФОРМАЦИИ?
info@publicroom.org
SKOPJE DESIGN WEEK 2025
Во 2025 година, “SKOPJE DESIGN WEEK” 10. – 16.НОЕМВРИ, се развива во платформа за
регенеративен дизајн и одржлив локален развој, спојувајќи глобална еко визија со локална
иновација. Под мотото „Циркуларен начин на размислување“ ја истражуваме моќта на
дизајнот како би креирале план за трансформирање на заедниците, туризмот и секојдневниот
живот—реосмислувајќи како се движиме, конзумираме, создаваме и споделуваме нови
ресурси.
Додека светот полека но сигурно преминува од линеарен кон кружен систем, чистата
мобилност, туризмот со низок отпечаток и повторната употреба на материјали стануваат
клучни фактори во секојдневието на модерните општества. Скопје мора да се приклучи кон
овој тренд, да биде жива лабораторија—место каде глобалните цели за одржливост се
сретнуваат со локалните потреби и знаења.